Brudin dre +
10 Gouere 2017

Un abadenn « Mardi de la Dañs » dibar a-walc'h hag un arvest àr ar stern : « Nerzh ar Gerlenn »

D'ar meurzh 27 a viz Even e oa daet hogozik 500 a dud e bourc'h Brec'h evit dañsal, kanal, soniñ, c'hoari, sellet doc'h ar re arall é korolliñ, debriñ krampouezh, tenniñ fotoioù, filmiñ ha c'hoazh...

Pep hani a zalc'ho soñj ag an nozvezh dibar-mañ evit un abeg pe un arall. Evit lod e vo a-gaoz d'an niver bras a dud daet, dre ma oa bet bourrapl dibuniñ an nozvezh ha kaer an dañsoù-tro. Evit lod arall e vo marse evit bout kemeret perzh en ul labour àr ober, ur film hag a viro ur roudenn ag ar glad dañset. Tud arall c'hoazh a soñjo kentoc'h er prantad fromus « Dalc'h soñj », pa oa bet klevet kleier Iliz Sant Andrev é soniñ 9 zaol da nav eur noz...

André Arhuero en doa souetet ma vehe bet brav an amzer ha ma vehe daet lan a dud. Un taol kaer e oa rak tud ha heol a oa d'an deiz-se ! Ur gemenadenn a gaso emberr evit trugarekaat razh re o deus respontet d'e bedadenn.

« Kouviet em boa d'an nozvezh-mañ kement dañsour a zo e Bro An Alre evit leurenniñ unan ag an taolennoù niverus a yay d'ober danvez hon arvest « Nerzh ar gerlenn ». Un arvest hag a vo kinniget e miz Mae 2018 ».

En arvest-mañ e vo lakaet an dañsoù-tro àr-wel e pep keñver : e keñver o stumm, o lusk, o signifiañs, o abegoù sokial... Istor an dañsoù-pobl a vo e neudenn dezhañ. E Breizh-Izel e weler pegen boutin eo bet an dañsoù-tro a-hed an amzer. Boiajet e vo ag ur c'hours d'un arall adal ar grennamzer betek an amzer a-vremañ, é tremen dre an Azginivelezh, ar prantad barok, klasel, romantel ha modern. Get ur c'hantad bennak a arzourion a Vro An Alre e vo lakaet an taolennoù-mañ da veviñ.

Douget eo ar raktres arz-mañ get Ti Douar Alre, ha dreist pep tra get e Greizenn Sonerezh Hengounel, get he frezidantez Nicole Raud ha get Fabrice Lothodé, renour ar skol sonerezh.

« Henoazh emañ bet boulc'het an traoù, get berzh. Sellet e vo doc'h an traoù filmet get dron Adrien Fréville ha savet 'vo diàr an dafar-se ur film a bado un dek munutenn bennak. Skrivet e vo un ton get Fabrice Lothodé hag a yay da heul ar film pa vo bannet àr ur skramm bras tra ma vo an dañserion é korolliñ. »

Da heul an arvest-mañ e vo kinniget d'an dañserion ur stummadur àr ar foñs kozh get Naïk Raviart, enklaskerez hag istorourez an dañs, arbennigourez àr dañsoù an 18vet kantved ha kendiazezourez Atalier an Dañsoù-Pobl a zo e bal dezhañ kas enklaskoù àr an dañsoù-pobl hag o c'helenn d'an dud. »

Evit gouiet hiroc'h a-ziàr an abadennoù kinniget get Ti Douar Alre àr www.tidouaralre.com
Monet e darempred :
Poduiñ ha skigniñ arvest « Nerzh ar Gerlenn – La force du rond »
André Arhuéro, kenurzhier Ti Douar Alre, degemer@tidouaralre.com
06 58 97 15 93 pe 06 03 40 66 36

  • blbl
    27 Here 2017

    Festival Melmes tra !

    Korollerion ha sonerion Festerion ar Brug Plunered a ginnig, evit an eil gwezh, ho festival « Memes’Tra » : fest-noz, arvestoù, sonerezh ha koroll. Meurzh 24 a viz Here : Fest-Noz Trad’
  • blbl
    23 Here 2017

    Initiation à la langue bretonne

    Seizh abadenn Tañva d’ar yezh a vo dalc'het get Ti Douar Alre ac'han da fin miz Here e seizh kumun ag ar vro. Un digarez enta d'ar re na ouiont na bu na ba a-fet ar brezhoneg da glevet ha da zistag
  • blRalli fotoioù niverelbl
    14 Here 2017

    Ralli fotoioù niverel

    D'ar sadorn 14 a viz Gouel-Mikael e kinnig Ti Douar Alre get sikour Auray Quiberon Terre Atlantique ha kreizenn-dour Alre'O, ur ralli fotoioù niverel digor d'an holl. An tem lakaet d'an devezh 'zo « lignes
  • blChallenge Douar Alrebl
    7 Here 2017

    Challenge Douar Alré Sobhi Sport

    D'ar sadorn 7 a viz Gouel-Mikael, Diwezhañ tennad challenge 2017 : redadegoù a-dreiz karter Landevan (13 et 24 km)   Da verkiñ en ho karned : - Roet e vo ar prizioù d'ar Gwener 10 a
  • blbl
    2 Here 2017

    Bro Alré Gouil Bamdé, setu lañset an traoù !

    Setu lañset 13vet koulzad ar festival Bro Alré Gouil Bamdé ! Oc'hpenn 80 den, dilennidi ha tud ar c'hevredigezhioù ezel a dTi Douar Alre, 'oa daet disadorn (30/09) en adti-kêr Brec'h
  • blbl
    29 Gwengolo 2017

    Bro Alré Gouil Bamdé 2017

    Programm Bro Alré Gouil Bamdé 2017 a zo daet er-maez ! Ar blez-mañ,e vo kinniget abadennoù etre ar 4 a viz Gouel Mikael hag ar 24 a viz kala-Gouiañv.   Bez' e c'hellit kavout ar programm
  • blbl
    18 Gwengolo 2017

    Deskiñ brezhoneg àr Zouar Alre

    A-benn ur pemzektez avamañ e krogo en-dro ar c'hentelioù brezhoneg d'an dud daet. Kentelioù evit an holl, evit ar re na ouiont na bu na ba kerkoulz hag evit ar re en o aes er parlant. Kentelioù 'vo
  • blbl
    11 Gwengolo 2017

    Sonerezh Breizh

    A-benn al lun 11 a viz Gwengolo e krogo en-dro ar c'hentelioù sonerezh sizhuniek roet get Fabrice Lothodé. Lan eo ar c'hentelioù dija, na zoujit a voned e darempred geneomp neoazh. Gellet a raimp ho
  • blbl
    5 Gwengolo 2017

    Deskiñ dañsal

    André Arhuéro a ro emgav da razh ar re a vourr koroll, d'an deraouidi èl d'ar re duac'h àr an dañs, d'ar meurzh 5 a viz Gwengolo, da 8e noz. Dalc'het e vo ar c'hentelioù dañs er sal Peron, en Alre.
  • blbl
    31 Eost 2017

    Ur sell àr predegennoù-hañv

    Setu tost echu an abadennoù kinniget e-pad an hañv get rouedad kevredigezhel Ti Douar Alre. An teuliad bihañ-mañ a ro deoc'h digarez da deurel ur sell àr an heuliad predegennoù bet kinniget ha kaset
  • blbl
    30 Eost 2017

    Katell Peron, kenurzhierez

    Donemat da gKatell Peron ec'h erru e he c'harg e Ti Douar Alre !... Ganet eo e Noal-Muzilheg; goude bout studiet er skol-veur (lizhiri hag arzoù), tapet ur vestroniezh àr an touristelezh (meriñ ar glad)
  • blbl
    23 Eost 2017

    Feiz ha kredennoù-pobl àr Zouar Alre

    45 a dud a oa daet da selaou kaozeadennoù Korentin Denis, istorour da benn rann an Arzoù ha an Hengounioù-Pobl e Ti Douar Alre. En ur harpiñ ar gaoz àr dielloù dibabet biskoazh gwell en deus lakaet
  • blbl
    20 Eost 2017

    Kampionad dañsoù Breizh : ar 6vet renk tapet get danserion Kevrenn An Alre

    E Gwengamp e oa en em gavet ar seizh kelc'h keltiek gwellañ da geñver gourfenn kampionnad dañsoù Breizh aozet get ar c'hengevread Kendalc'h (d'an 19 ha d'an 20 a viz Eost 2017). Goude bout tremenet
  • 20 Eost 2017

    Champion de danse bretonne : les Festerion de Pluneret, vice-champion de 1e catégorie

    Goude amprouadenn Tradi'Deiz (lodenn hengounel) ha DAÑS (lodenn leurenniñ) en deus tapet kelc'h keltiek Plunered an eil plas er c'hentañ rummad (kengevread Kendalc'h). Eil plas kenstrivadeg an dilhad
  • blbl
    4 Eost 2017

    Bleidi Kamorh, répétition publique

    D'ar 4 viz Eost, an deiz kent tro diwezhañ kampionad ar bagadoù en Oriant, o deus kinniget Bleidi Kamorh ur bleustradeg digor d'an holl e sal Ar C'hoad-Bihan. En eil rummad emaint hag arru int 10vet.
  • 4 Eost 2017

    Ar Roñsed-Mor, dernière répétition avant Lorient

    D'ar gwener 4 a viz Eost, er sal Emeraude, eo bet tolpet sonerion bagad ar Roñsed-Mor ur wezh diwezhañ a-raok gouel An Oriant evit ur bleustradeg digor. Emañ bagad Lokoal-Mendon e-mesk gwellañ bagadoù
  • 4 Eost 2017

    Kevrenn Alre, pleustradeg divezhañ a-raok An Oriant

    D'ar gwener 4 a viz Eost e oa en em gavet sonerion Kevrenn An Alre àr blasenn an Itron-Varia en Alre dirak preti ar C'hadoudal evit ur bleustradeg digor. An hini ziwezhañ a-raok kenstrivadeg gouel An
  • blbl
    18 Gouere 2017

    Howlin’ grassman vs Stompin’ Big Foot

    D'ar merc'her 13 a viz Gouere emañ bet kinniget e Brec'h get skipailh Klam Records, ur sonadeg get an daouad Howlin’ grassman vs Stompin’ Big Foot. Èl kustum emañ bet bourrapl an abadenn. Bep tro
  • blbl
    10 Gouere 2017

    « Les Foulées du Large » e Kiberen - 8vet tennad Challenge Douar Alre 2017

    Goude tennadoù Brec'h, Pleuwigner, Kamorzh, Plunered, Pleñver, An Ardeven hag An Alre e talc'h ar Challenge e veaj dre Zouar Alré get un tennad e Kiberen a-benn ar sadorn 22 a viz Gouere.  
  • blbl
    10 Gouere 2017

    Kentelioù brezhoneg : pred fin ar blez ha gouel an diplomoù

    D'ar sadorn 1añ a viz Gouere, en ekomirdi Sant-Degan, he deus Kerlenn Sten Kidna klozet get he blezad skol-noz. Aozet eh eus bet ur pred er-maez, an digarez da roiñ o diplomoù d'an deskidi o doa tremenet