Miziad ar brezhoneg : achu eo !

Get un abadenn c'hoari en-dro d'an daol dalc'het er Bar Breton, e bourc'h Brec'h, emañ bet klozet Miziad ar brezhoneg àr zouar Alre. 33 degouezh a zo bet kinniget ar blez-mañ e oc'hpenn 10 kumun ag ar gumuniezh (hep komz ag an abadennoù tañva d'ar brezhoneg bet kaset er skolioù unyezhek galleg). E-mesk an degouezhioù en deus graet brud, menegomp  Kontomp-Diskontomp, an emgav gouestlet d'ar sorbiennoù displeget e brezhoneg get J.-B.. ar Galloudeg bet pedet genomp, sonadeg laz-kanal An Alre (tost 400 a dud daet da selou), Luduennig, an abadenn teatr margodennoù kaset get Strollad Kallag (un dra nevez-tout ar blez-mañ). Bilañs ar miziad a vo graet dindan berr ; en em soñjet e vo dija ivez àr ar gwellañ mod da zerc'hel get ar memp hent e 2018 : diskouez ha sevel ar brezhoneg bev el lec'hioù foran, sachiñ evezh ar muiañ posupl a dud àr ar yezh hag, evit kement-se, kinnig degouezhioù a jaojo koulz doc'h ar bras ' vel doc'h ar bihan.

Setu un tañva ag an abadenn margodennoù Luduennig bet kinniget e Pleuwigner d'ar sul 12 a viz Meurzh get Strollad Kallag.

ludennig_strollad_kallag2 from Ti Douar Alre on Vimeo.

Hag un tamm ag an abadenn Kontomp diskontomp ! bet kaset get Jean-Baptiste Le Galloudec d'ar sadorn 3 a viz Meurzh en Alre.