Inscriptions ouvertes : Camp de Vacances en langue bretonne "Cap sur la baie de Quiberon"
Ur sizhuniad divar àr gourenez Kiberen, ur bed etre douar ha mor. Bod war an dachenn gampiñ eeun war an aod, dirak ar Meurvor, en...
> Gouiet hiroc'hIzili ti Douar Alre zo kevredigezhioù pe tud en o unan hag a venn kemer perzh e buhez ar gevredigezh.
Ar skodenn zo lakaet da 15 € evit un den en e unan ha da 20 € evit ur gevredigezh..
Bout ezel ag ar gevredigezhResev ar lizher-brudiñ
- Google +
- Viadeo
Kinnig
E Bro an Alre en em gav e-leizh a sonerion a-goublad bet tapet dezhe an tilt « Champion de Bretagne ». An titl-mañ a vez roet bep blez a-c’houde 1956 da-geñver Kampionad Gourin.
36 titl etre 1977 ha 2013, en daou rummad :
- bombard/binioù bras : 25 diàr 36 zo aet get sonerion a Vro an Alre ;
- bombard/binioù : 7 diàr 36 zo aet get sonerion a Vro an Alre.
Er rummad bombard – binioù bras
Roland Becker / Hubert Raud 1979 - 1985 - 1993 - 1994
Alain Kerneur / Armel Denis 1984
Jorj Botuha / Pascal Guingo 1986-1987-1988-1990-1996-1999-2004-2005-2007
Christophe et Jean Michel Mahévas 1989 - 1991 - 1997 - 1998
Fabrice Lothodé / Jean Yves Cadudal 1995 - 2000 - 2002 - 2003
André Le Meut / Ronan Latry 2001
Gweltaz Rialland / Julien Grellier 2012
Er rummad bombard - binioù
- Jorj Botuha / Michel Toutous 1988
- Roland Becker / Philippe Quillay 1992
- Jorj Botuha / Philippe Quillay 2002 - 2003 - 2006 - 2007 - 2008
A-bouez e oa enta en em soñjal evit :
- derc’hel bev sonerezh hengounel Bro-Gwened e Bro an Alre ;
- treuzkas ar sevenadur-mañ a-bouez stummiñ ha gober àr-dro ar sonerion a-youl vat evit an c’hoari daou-ha-daou ;
- stummiñ tre sonerion àr ar sonerezh hengounel ma taint da vout aktourion an treuzkas en amzer da zonet ha ma talc’hint bev ar sonerezh-mañ àr-un-dro reiñ buhez dezhoñ.
Rak-se e oa bet kinniget ar raktres-mañ e Miz Meurzh 2011 da André Arhuéro get Fabrice Lothodé ha get Nicole Raud. Divizet e oa bet da heul sevel Kreizenn ar sonerezh hengounel e miz Gwenholo 2012.
Lakaet eo bet edan renerezh Fabrice Lothodé : kelennour àr ar sonerezh tapet dezhoñ un diplom Stad, sonour « dave » a-fet ar bombard hag ar binioù. Àr ur post hanter-amzer e ra àr-dro ar pezh a denn d’ar c’helenn, d’ar sonerezh ha d’ar benveger ; sikouret e vez get Nicole Raud evit ar pezh a denn d’ar velestradurezh, d’ar sevel degouezhioù hag d’ar brudiñ.
Getoñ eh eus 16 den é teskiñ : ar bombard hag ar binioù, fesonioù arall da soniñ a-goublad, pe get tri sonour àr-un-dro, hag ivez ar sonerezh a-stroll.
D’an 8 a viz Gwenholo 2013 e Gourin e oa aet an titl Kampioned Breizh (koublad bombard - binioù bras) get Fabrice Lothodé ha get Hubert Raud.