​ENEZ AR VOUZARED (SINEMA)

Tres

E gouel ar filmoù a vez dalc’het bep hañv e Douarnenez o deus kemeret ar Vouzared o flas, skoaz doc’h skoaz get minorelezhioù ar bed. Evite, a pa vehent arzourion, tud a youl vat pe festivalerion, bout bouzar n’eo ket un namm met ur sevenadur. En ur ober anaoudegezh get tri anezhe, a oadoù dishañval, Laetitia, Eric ha Thumette e vo taolet sklêrijenn àr istor trubuilhet yezh ar sinoù : he bleuñvadur nevez-c’hoarvezet, met ivez he dazont lakaet en arvar gant diorroadur an emplantenn gokleel hag ar politikerezh enframmiñ ar vugale vouzar er skol. E bezañs Soazig Danielloù ha Maï Lincoln, an div sevenourez.

Aozet get Ti Hanok.
An Alre, Ti Hanok 8 e 30 g.m. 9 € / get un distaol : 7 € pe 5 €