Staj gwenedek e Kervignag (e brezhoneg)

Tres

Etre an 29 a viz Mae hag ar 1añ a viz Even e vo aozet ur staj war brezhoneg Bro-Gwened dre soubidigezh ! Pevar devezh bourrabl e Bro-Gwened : ur staj bod & boued eo ha lojet ‘vo ar stajidi er gêriadenn gaer Tiez ar Ganquis
 
Ar c’hentelioù a vo diouzh mintin ha dizoloet e vo ar c’hornad d’enderv : kêr an Henbont hag he mangoerioù kozh ; Porh-Loeiz, ar sitadell ha mirdi Kompagnunezh an Indez…
Ha n’eo ket echu ! Aozet ‘vo prezegennoù, sorbiennoù, filajoù hag abadennoù kanal ha dañs diouzh noz.
 
Ambrouget ‘vo ar stajidi gant ur skipailh Gwenedourien a-feson !

Lakait hoc’h anv kerkent ha bremañ hag a-raok an 2 a viz Mae war hol lec’hienn : https://skolanemsav.bzh/br/stages/staj-bro-gwened/