An hañv-mañ, bezit un tañva a Vreizh àr zouar Alre !

Bro gouil bamdé

Petra eo ar FESTOÙ-NOZ ?

Brudet-mat eo daet da vout ar Festoù-Noz. Donet a reont ag ar prantadoù distaniñ e achumant an devezhioù labour er parkeier ; pa arrue kours ar c'han hag an dañs. Adlañset er blezadoù 50 e vesklont sonerezh ha dañs, hengoun ha giz nevez. Digarezioù int d'en em gavout asampl ha d'ober bourrapl. Er blezadoù 1970 broudet get luskad ar folk en em strewont dre Vreizh a-bezh ha pelloc'h c'hoazh ! Renablet en UNESCO a-c'houde 2012 emañ ar festoù-noz é chañch dizehan hag é vonet àr-raok. Emañ ar festoù-noz e-mesk an abadennoù aroueziusañ a sevenadur Breizh.

Evit ar familh a-bezh : Emgavioù tañva d'an dañs a vez kinniget bep sizhun e meur a lec'h àr zouar Alre, a-hed ar blez ha memp e-pad an hañv !

Evit gouiet hiroc'h :

• https://www.tdouaralre.com/liste-des-evenements-t-douar-alre
• tamm-kreiz.bzh
• http://www.auray-quiberon.fr/agenda-115.html
• https://ich.unesco.org/fr/RL/le-fest-noz-rassemblement-festf-base-sur-la-pratque-collectve-des-danses-traditonnelles-de-bretagne-00707
• https://www.ouest-france.fr
• https://www.letelegramme.fr
• http://www.radio-bro-gwened.com
• https://www.francebleu.fr/armorique

Sonerezh ha Dañs

Stank eo ar sonerion hag ar ganerion àr zouar Alre. Ur vro eo e-lec'h mand eo bev-mat an hengoun ; treuzkaset e vez e meur a aozadur. Niverus eo ar bagadoù er c'hornad hag emaint e-mesk ar re wellañ e Breizh. Stag doc'hte e kaver lies kerlennoù pe kelc'hioù keltiek ; lakaat a reont àr wel glad an dañsoù hengounel. Ar c'han – e brezhoneg – a zo douget get tud yaouank hiniv an deiz ; treuzkaset e vez a rummad da rummad.

Evit gouiet hiroc'h :

• https://www.kenleur.bzh / 02 97 58 10 50, confederation@kenleur.bzh
• http://sonerionbrogwened.bzh / sonerion56@gmail.com
• https://sonerion.bzh / 02 97 86 05 54, contact@sonerion.bzh
• https://www.dastum.bzh 
• https://www.tdouaralre.com/centre-musique-traditonnelle-bretonne/p6.html
• https://www.tdouaralre.com/cours-danses-bretonnes/p28.html
• https://www.tdouaralre.com/atelier-chant/p49.html

Gober bourrapl

Debriñ hag evet
Puilh eo ar parkeier-istr àr aodoù douar Alre. Tañvait 'ta ar produioù-mañ é tonet ag ar mor, d'ar liesañ e vênt kinniget da zebriñ àr al lec'h, en tachennoù memp e-lec'h mand int produet. Ne faot ket tremen hep monet d'an ti-krampouezh naket ! Krampouezh gwinnizh pe grampouezh ed, sal pe sukret, deoc'h da zibab. Evit monet da heul, goulennit ur volennad chug-aval pe sistr Guillevig, evajoù dibar a zouar Alre !

Na zisoñjit ket ar galetez, ar gwispid, ar c'hatev breton, ar c'houign-amann d'an dibenn-pred, da dorriñ ho naon pe da brofiñ.

Evit gouiet hiroc'h:

• Bar breton, Brec'h 06 87 43 50 40

Sturlevr gwerzhiñ eeun ag ar produour d'ar bevezour :

http://www.je-vis-ici.fr/ileadmin/iinisites/paysdd%27auray/WEBd154014dGuided35x203mmdpagesdCOiPLET-1.pdf

Podkastoù : Doc'h taol !

Kentañ lodenn :

Eilvet lodenn :

Ar PARDONIOÙ

Bep dibenn-sizhun e vez paot an abadennoù kinniget deoc'h (festivalioù, festoù-noz ha c'hoazh...). Etre miz Mae ha miz Gwenholon emañ prantad ar pardonioù. Lies mat e taont a lidoù lec'hel kozh-bras evit lod anezhe. Digarezioù int d'en em gavout da geñver ur gouel etre amezeion. A orin relijiel emañ bet lakaet pardonioù Breizh àr renabl broadel glad dizanvez Bro-C'hall. D'ar memp deiziad 'vênt dalc'het bep blez.

Setu un nebeut skouerioù :

• 26 a viz Gouere : Pardon Santez-Anna-Wened
• 2vet Sul a viz Gwenholon : Pardon Sant Korneli, Karnag
• Diwezhañ Sul a viz Goureneñv : Pardon Sant Kirin, Brec'h
• Diwezhañ Sul a viz Eost : Pardon ar seizh sant, An Ardeven
• 2vet Sul a viz Gwenholon : Plas-Kaër, Krac'h

Un tanva ag ar brezhoneg