Sizhunvezh ar brezhoneg 2015

Krogiñ a ra ar blezad get ur raktres a zlehe tolpiñ meur a gumun a Vro an Alre en-dro dezhañ : kani Sizhunvezh ar brezhoneg. Bez 'vo etre an 30 a viz Meurzh hag ar 6 a viz Ebrel. Un toullad abadennoù bet kinniget deoc'h ar blezadoù paseet - emgavioù n'eur ket ken evit tremen hepte bremañ - a vo dalc'het ha re nevez-tout a vo kinniget deoc'h e 2015.

Setu ur sell a-vras àr roll ar blez-mañ :

• "Lennomp asampl ! ", kaozeadenn en-dro d'al levrioù, ha pa vehent skrivet e brezhoneg pe en ur yezh arall, e mediaoueg Brec'h. 

• "Kontomp ha diskontomp", kontadennoù e brezhoneg (troet àr ar prim), e hall-degemer kreizenn Athéna. 

• Flashmob dirak ar stal Breizh Ma Bro, en Alre. 

• Speed-dating e brezhoneg en davarn "Le Terminus" en Alre. 

• Lennadennoù en-dro d'ur c'hafe er stal Breizh Ma Bro en Alre. 

• Troiad-bale lennegel e bourc'h Brec'h. 

• Abadenn kaozeal e mirdi Kergehennek. 

• Devezh-studi e brezhoneg en-dro da dem an treuzkas e lise Kerplouz. 

• "Kwiz", c'hoari kinniget get ar skolioù-noz ezel a DAO (Deskiñ d'an oadourien). Kemer a ray plas ar "Skrivadeg". 

• "Apero ar vrezhonegerion", apero kanet digor d'an holl e bourc'h Pleuwigner. 

• Filaj e Pleñver.