Stagadenn "Le trésor d'Erdeven / Teñzor an Ardeven"

E 2017, e suler presbital kozh an Ardeven e oa bet adkavet, gouarnet en ur voest kartoñs, un torkad dielloù paper a reer bremañ Teñzor an Ardeven anezhañ. Ur gavadenn dic'hortoz ha prizius a-fed diellouriezh : 481 predegenn ha notennoù bet savet etre1880 ha1930 get daou veleg, Mathurin Oliviero ha Pierre Marie Rival. Prizius int a-fed istor, pa seller doc'h ar prantad m'int bet savet – soñjomp e lezenn an disparti etre an Iliz hag ar Stad votet e 1905 hag en he dilerc'hioù – prizius a-fed tiriad ivez, pa lakaont àr wel ar perzhioù dibar da vro Gwened a-fed sevenadur ha yezh – prizius c'hoazh evit gouiet hiroc'h a-ziàr stummadur beleion ar prantad-se. En tu arall d'an dra-se e kasont o lod da istor ar speredegezhioù. Pinvidikaet eo al levr get testennoù hag a daol sklerijenn àr an danvez kinniget – evel hini skrivet get Samuel Gicquel a Skol-Veur Roazhon 2 pe hini I. Brient, vikel-bras eskopti Gwened e karg ag al lidiñ e brezhoneg. A-drugarez dezhe ha d'an torkad testennoù bet troet e galleg evit bout kinniget amañ e c'hello al lennerion kompren talvoudegezh an trezol-mañ chomet diembann betek bremañ.

Ur raktres douget hed-ha-hed get Ti Douar Alre, un aozadur gwriziennet mat e Bro Wened; ul labour hag a ziskouez ampartiz ha skiant-prenet.

Priz : 14 €
Da vout prenet e Pleuwigner, e burev Ti Douar Alre (11 ru an Tanin) hag àr lec'hienn Kuzul ar brezhoneg.

Evit monet d'ar stagadenn (e brezhoneg) d'al levr embannet get TIR :
Klikit e-kreiz ar skeudenn amañ edan evit brasaat an diell.

Bez e c'hellit goulenn bout razh ar predegennoù e brezhoneg, 481 en holl, hag o zreuzskrivadur da heul (àr-bouez bout ezel a dTi Douar Alre). Kasit ho koulenn da degemer@tidouaralre.com.