Connexion
FR | BR
Brudin dre +
15 Du 2019

Edition : "De loen en large !" Recueil d'expressions populaires bretonnes

Pa en em wel mab-den e porteled al… loened ! Un droiad, pajenn goude pajennn, dre minotennoù an antropomorfism degaset deomp dre ar brezhoneg. Un tañvaad a vuhez birvidant parlant pemdeziek ar bobl, a faltazi an dud.

Komzoù ha begadoù degaset a-feson : “Penn jao !”, “Moj-mingreign !” … Skeudennoù ha metaforennoù : “Eñ a gousk en e ruskenn”, “Eñ a spawo un hoc’h hep er gwadiñ !”, “Bout zo ur jav e ma lagad !” … Mar bez aes ar c'hentañ kompren d'an holl vrezhonegerion monet davet ar ster kuzhet a-dreñv ar formulenn, bout e stad d'he implij el lec'h hag er c'hourz ma koucho a zo un afer-all ! Ret eo bout en desket ! Ret eo bout a… zu-mañ !

Ur pezh a oberenn savet diàr ur gwir labour dastum kaset e-mesk brezhonegerion a-vihanik a vro An Alre. Un oberenn savet evit an holl lennerion, brezhonegerion ha nannvrezhonegerion (troet brav eo ar propozioù), aes ha plijus da lenn, get tresadennoù savet a-ratozh é kouchiñ biskoazh gwell dre o fent, o liv hag o spered doc'h ar gaoz diskouezet. Ur binvidigezh sevenadurel evit an holl abalamour d'al labour lec'hiiñ ar propozioù er vuhez hag er sevenadur hengounel.

Patrick Dréan (labour dastum ha kinnig): ganet e Brec'h. Brezhonegour ampart ha gouiziek, dreist pep tra a-fet brezhoneg bro Wened. É labourat e-ser Stumdi. Kadoriad Kerlenn­ Sten­ Kidna­ An­Alre

Olivier Berson (tresadennoù, maketenn): ganet e St-Maloù; é chom e bro An Alre abaoe 2008. Animatour brezhoneg e Ti Douar Alre; karget a labourioù grafour ha maketennour.

 

«De loen en large» : 64 pajenn; 17 tresadenn.
Kenembannet get Ti Douar Alre & Kerlenn Sten Kidna
Priz : 8 €
 

E gwerzh :
a) stalioù levrioù ispisializet.
b) Ti Douar Alre (11, ru an Tanin, 56330 Pleuwigner).
c) Kerlenn Sten Kidna (6, ru Joseph Rollo 56400 AN ALRE).
d) dre lizher / dre internet àr hor lec'hiennoù WWW.TIDOUARALRE.COM (+ 3 € mizoù kas). Chekenn (11 €) àr anv TI DOUAR ALRE.